الرئيسيةس .و .جبحـثالتسجيلدخول

شاطر | 
 

 يــــــوم في حياة عضو

اذهب الى الأسفل 
انتقل الى الصفحة : 1, 2, 3, 4, 5, 6  الصفحة التالية
كاتب الموضوعرسالة
حلم السنين
ملك ونعم الملوك
ملك ونعم الملوك
avatar

عدد المساهمات : 2968
نقاط : 17489
تاريخ التسجيل : 14/01/2010
العمر : 31

مُساهمةموضوع: يــــــوم في حياة عضو   الخميس يناير 14, 2010 6:41 pm

موضوع جميل وخفيف وياليت الجميع يشارك فيه
الفكره عجبتني وحبيت اطبقها في منتدانا المتألق...

سنقوم باستضافة عضو..يحكي لنا عن مسار يومه
منذ ان يصحو صباحاً حتى يحل الليل وينام...

متحدثاً بحريه تامة وبأسلوب..عفوي جداً.وكم جميل لو كان به
بعض المــرح والإنطلاق والتحرر من قيود المواضيع الرتيبه

ثم بعد أن ينتهي يقوم هو شخصياً بأختيار عضو آخر
ليحكي لنا عن تفاصيل يومه وكيف يقضيه...

طبعاً حبذا لوكان التحدث عن يوم عادي وليس يوم إجازه
وذكر التفاصيل ليكون الموضوع ممتع...

طبعا كل عضو نختاره ويتكلم عن نفسه بعد ان ينتهي
يختار هو العضو الذي يليه وهكذا....



ياليت يعجبكم الموضوع

الا راح يفتح الموضوع هو أول شخص بيكتب يومه
الرجوع الى أعلى الصفحة اذهب الى الأسفل
زينب محمد
ملك نشيط
ملك نشيط
avatar

عدد المساهمات : 967
نقاط : 16286
تاريخ التسجيل : 14/01/2010

مُساهمةموضوع: رد: يــــــوم في حياة عضو   الخميس يناير 14, 2010 11:39 pm

السلام عليكم ..

حيالله حلم ...
اخبارك , شو مسويه << شات

بما اني فتحت الموزوع ,, قلت ارد << حلفي عاد

Laughing

المهم

اول ماجلست الفجر على صوت الشيخ الله يحفظه ياذن ..
خزيت بليس و قمت صليت
ورجعت نمت .. عاد بيت جيراننا عندهم شغل يحفروا ويهدموا
ماخلونا ننام
فجلست مره ثانيه الساعه 10 صباحاً

غسلت ماي فيس و رتبت سريري ..
و رتبت ملابسي وشوي من الغرفه
وشبكت شويات يمكن ربع ساعه
بعدها جلست اترجم انجلش << مجتهده بس على الله انجح


وتخيلوا خلصت وهو يقول الله اكبر << يأذن الظهر
سكرت الكتاب << جايبه ادق التفاصيل ^_^ .. وسكرت الابتوب
قمت صليت .. ودعيت ليكم بالتوفيق
خلصت صلاه نزلت جوعااااااااااانه

اكلت لي ميني بيتزا
وكاس سفن آب كل هذا وانا ازاكر انجلش

احس اني اهدر صح .. بس مــاااعلينا

بعدها شنو الغداء اماه ؟
قالت في المطعم cheers

ياسلااااااام
وذهبنا للمتعم .. وتغدينا والحمد لله
واللي عنده فضول يعرف شنو طلبنا What a Face
طلبنا /
3 برياني لحم
1 قوزي ساده
3 مشوي مشكل
2 تبوله
2 بطاطس
1 شوربه عدس
ومويه و سلطه

بعدها رجعنا منزلنا جلست اذاكر شوي لحتى نعست ,, نمت لي نص ساعه
وجلست وكملت مذاكره انجلش ههههههـ

بعدين شنو صار ..
اذن وصليت المغرب ,, وجيت طيراااان للنت
وجلست اكتب الرد
والحين برسله وباروح العزيه
وبعدين باكمل مذاكره

ادعوا ليي انجح
Crying or Very sad


بس هذا يومي .. صج اجازه بس احسن لكم من ايام الدوام
لآن كله محاضره , محاضره و رجعت نمت هههههههههـ

حلم .. يالله ياقمره
ابي يومك بالتفاصيل الممله ههههـ


سلام

الرجوع الى أعلى الصفحة اذهب الى الأسفل
حلم السنين
ملك ونعم الملوك
ملك ونعم الملوك
avatar

عدد المساهمات : 2968
نقاط : 17489
تاريخ التسجيل : 14/01/2010
العمر : 31

مُساهمةموضوع: رد: يــــــوم في حياة عضو   الجمعة يناير 15, 2010 12:26 am

هههههه ان شاءالله تنجحين يومج حلووو وحلاته بالاكل بعد


قعدت ساعة 9 وصليت ماقدر ع شطاره اصلي هالحزة طبعا يوميا زف على اوقات صلاة الغلط وبعدها قعدت اكوي الى زوجي للشغل بسرعة عشان ارجع انام من جديد

رحت له مافي مجال ادلع اودام او اناديه باسمه من كثر تعب هيييي انت قوم شفته ما قام قلت لا بعور راسي ولا شي ونمت للساعة 10 ونص واسمع صوت حريم يسولفون عند دريشة طالعت ساعة قلت والله مابقووم ماشبعت نوووم ..
نمت للساعة 12 وصحيت قلت خلاص بقووم عن الكسل ..واول شوي اسوي اول ما اصحى اشغل لاب توب واشوف نزلت درجات واجب وهالخرابيط

والا شاغل بالي هاليومين دجاج بيت الجيران ينطون من فوق للجدار يدخلون تهوية البيت نفس ماتقولون يعني الحووش..

واطل عليهم من دريشة مطبخ شفت بس وحده وطبعا برج مراقبة لان اخااف منهم

صليت ووسبحت وبدا شغل البيت طبعا يوميا ابدا من مطبخ انظف مخلفات سهرت زوجي ياكل ويرمي
ههههه وابدا اهدر بروحي عليه وما لفيت راسي الا بيت جيران فيه هنود ويطلوون بعد واهدر اكثر اكثر... خلص وقت التنظيف ..

ساعة صارت وحده وشوي قبل لا يطق ابو زوجي جرس اعرف هوو جايب الغذى ((اشحلاتي يوصلني الغذى جاهز وكنت جوعانة بس للاسف الغذى ماحبه وماتغذيت)) فتحت كتاب ادرس وراي امتحانين بعد كم يوم ويلا احفظ كم كلمة

ساعة 2 وقت طلاب الا ادرسهم يجوون عشان ادرسهم وطبعا اليوم الخميس يعني ثقيل كله واجبات وزوجي صحى وقت الا حضروا طلاب ويلا حطي الغذى واهدر بيني وبين نفسي .. وخلال تدريس لازم نتكلم ونسولف شوي عشان اطلعهم من جوء التدريس واضحك وياهم بس يا ويله الا يسالني عن اشياء تخصني ويتكلمون عن اسعار تدريس والحب وانا اسمعهم وبعدها الى ساعة 5 تدريس ولا يفوتكم تعرفت ع جارتي جديدة عن طريق طيورها الاليفة خخخ يعني الدجاج حتى اسمي عرفته حتى قمت اخلي لها الباب رئيسية مفتوح عشان تجي تشيلهم وقلت لها دوري عليهم واعتبري البيت بيتج وانا مابساعدج في تدويرهم لان اخاف ..
وبعدها من ساعة 5 وشوي الى 6 ونص ادرس وتقريبا مابقى شي اخلص اول مادة واشكر من ساعدني ع فهم هالمادة واتصلت لي بنت عمتي عشان نهيت يعني ننطلع بس قلت لها عندي امتحانات تمسخرت شوي علي وبعدها قالت اوك بعد الامتحانات
ويومي عادي يمكن بالراحة اكثر من 5 مرات زفني زوجي .. والحين اكتب لكم يومي الاقل العادي

وبس

يلا جى دور الجسيم
الرجوع الى أعلى الصفحة اذهب الى الأسفل
الجسيم
Admin
Admin
avatar

عدد المساهمات : 653
نقاط : 15803
تاريخ التسجيل : 14/01/2010
العمر : 34

مُساهمةموضوع: رد: يــــــوم في حياة عضو   الجمعة يناير 15, 2010 6:45 am

احم احم ...

طبعا يومي قصير جدا

طبعا نمت الصباح .. وصحيت الظهر .. وطبعا شياطين الارض كلها فوق راسي ومالي خلق شي

بس لازم اصحى ( بتعرفوا ليش بعدين )

المهم .. غسلت وجهي وكويته .. وصليت على محمد وآل محمد

وشغلت الكمبيوتر والتلفزيون وانسدحت وسط الغرفة .. مابين نعسان وجوعان ودايخ ومالي خلق

جاني ملف على الماسنجر قبلته وخطرت في بالي فكرة اقوم اسبح واصحح زيادة .. وبالفعل قمت سبحت

بعدها اتصلت على اخوي اقوله جيب لي غذاء مالي خلق اطلع الا يقول : البيت رجعوا وجابوا لك غذاء

وانزل من الغرفة طيران الخليج على المطبخ واحط لي ذاك الغذاء الطيب ..

وانا اتغذى جاني اتصال من صديقي الصدوق يقول ايش رايك نروح نشرب شيشة .. قلت له افا عليك .. مسحت يدي في الجدار وطلعت بالسيارة الى الكافيه

قعدنا هناك ورجعنا مع الصلاة صليت واتفقنا نروح الخبر .. وبالفعل على الساعة 7 طلعنا ورحنا الخبر

على ابراج الدوسري شريت لي كم غرض ورجعنا .ز واحنا راجعين وقفنا في سيهات وتعشينا

بعد العشاء .. اكيد عرفتوا وين بنروح ؟ اكيد ورا الشيشة ونروح الكافيه .. وقعدنا هناك ومن شويات راجع

وانا راجع طاحت زجاجة السيارة وما عرفنا نعدلها وحطيتها في الكراج

والحين انا المفروض اروح انام .. عشان بكرة بروح البحرين


على العموم .. هذا يومي .. وبكرة بروح البحرين مع عصفورو


والدور عليه يقول ليكم ايش صار في البحرين


بيس
الرجوع الى أعلى الصفحة اذهب الى الأسفل
حلم السنين
ملك ونعم الملوك
ملك ونعم الملوك
avatar

عدد المساهمات : 2968
نقاط : 17489
تاريخ التسجيل : 14/01/2010
العمر : 31

مُساهمةموضوع: رد: يــــــوم في حياة عضو   الجمعة يناير 15, 2010 7:22 am

يومك حلووو جاسم دام خلصت امتحاناتك وارتحت

وننطر عصفور بعد مايرجع من البحرين
الرجوع الى أعلى الصفحة اذهب الى الأسفل
زينب محمد
ملك نشيط
ملك نشيط
avatar

عدد المساهمات : 967
نقاط : 16286
تاريخ التسجيل : 14/01/2010

مُساهمةموضوع: رد: يــــــوم في حياة عضو   الجمعة يناير 15, 2010 4:14 pm

الجسيم كتب:
احم احم ...

وبالفعل على الساعة 7 طلعنا ورحنا الخبر

على ابراج الدوسري شريت لي كم غرض ورجعنا .ز واحنا راجعين وقفنا في سيهات وتعشينا

بعد العشاء ..


بيس

affraid

تتعشى و تتمشى !!
Crying or Very sad
الرجوع الى أعلى الصفحة اذهب الى الأسفل
العاشق
ملك الله لا يحرمنا منه
ملك الله لا يحرمنا منه
avatar

عدد المساهمات : 1973
نقاط : 16474
تاريخ التسجيل : 15/01/2010
الموقع : بين الواقع والخيال

مُساهمةموضوع: رد: يــــــوم في حياة عضو   الجمعة يناير 15, 2010 5:57 pm

خخخخخخخخخخخخخ

رحت عليش
الرجوع الى أعلى الصفحة اذهب الى الأسفل
عصفورو
ملك ونعم الملوك
ملك ونعم الملوك
avatar

عدد المساهمات : 3517
نقاط : 18224
تاريخ التسجيل : 14/01/2010
العمر : 34
الموقع : ملوك المنتدى

مُساهمةموضوع: رد: يــــــوم في حياة عضو   السبت يناير 16, 2010 5:26 am

جاء دوري يقولوا؟..صحيح؟ ويش رايكم أكتب لو ما أكتب؟ لا اكتب ما يصير ما تكتب
طيب الحين آآلموهييم نبدأ في يوم الجمعة الا فيه كسوف جزئي بس نسيته هههههه
جلست الصبح الساعة 8 و ربع و خمس ثواني و جزئين من الثانية حسب توقيت ساعة الجسيم الجديدة tongue ههههههههه
بعدها زي ما العالم تسوي تغسل و تتمعجن و تنبلق و تصلي الصبح بعدها جهزت ثيابي عالسريع و طلعنا من البيت
الساعة 9 و عشر دقايق أو خمس ما أذكر طبعا بعد ما اتصلت بالجسيم...المهم مرينا الجسيم و اتصلت بالصديق الصدوق
و طلع نايم الرجال رحنا شرينا فطور عالسريع و رجعنا للصديق الصدوق و بعد ما أخرنا شوي مشينا و انطلقنا إلى البحرين...آآه البحرين و ما أدراك ما حصل؟.......يتبع في الجزء الثاني Very Happy
الرجوع الى أعلى الصفحة اذهب الى الأسفل
حلم السنين
ملك ونعم الملوك
ملك ونعم الملوك
avatar

عدد المساهمات : 2968
نقاط : 17489
تاريخ التسجيل : 14/01/2010
العمر : 31

مُساهمةموضوع: رد: يــــــوم في حياة عضو   السبت يناير 16, 2010 4:19 pm

هههههههههههه عصفور في سالفة اكشن مقسم لنا يومك الى جزئين سويته لنا مسلسل تركي

ننطرك تكمله برد ارجع بعد ماخلص من دراسة الماث لعل وعسى انت كاتب يومك
الرجوع الى أعلى الصفحة اذهب الى الأسفل
زينب محمد
ملك نشيط
ملك نشيط
avatar

عدد المساهمات : 967
نقاط : 16286
تاريخ التسجيل : 14/01/2010

مُساهمةموضوع: رد: يــــــوم في حياة عضو   السبت يناير 16, 2010 4:34 pm


lol!
فلم هندي مو يوميات .. Laughing

الرجوع الى أعلى الصفحة اذهب الى الأسفل
وينكـ ياغلآي؟
ملك ونعم الملوك
ملك ونعم الملوك
avatar

عدد المساهمات : 3439
نقاط : 17092
تاريخ التسجيل : 14/01/2010
العمر : 30

مُساهمةموضوع: رد: يــــــوم في حياة عضو   السبت يناير 16, 2010 6:05 pm

لااااا واني حضرتي جالسه انتظر
وفي الاخير تطلع سالفة هاليوم
كلها في الجزء الثاني..~
الرجوع الى أعلى الصفحة اذهب الى الأسفل
عصفورو
ملك ونعم الملوك
ملك ونعم الملوك
avatar

عدد المساهمات : 3517
نقاط : 18224
تاريخ التسجيل : 14/01/2010
العمر : 34
الموقع : ملوك المنتدى

مُساهمةموضوع: رد: يــــــوم في حياة عضو   السبت يناير 16, 2010 7:04 pm

السلام عليكم
اليوم نكمل الجزء الثاني من يوم الجمعة خخخخ
المهم
انطلقنا للبحرين و في الطريق و احنا نفطر في السيارة إلا أخويي يفتح موضوع
باااااايخ حده و يسولف و يسولف و طبعا على حساب إن الموضوع بين أخويي و بين الجسيم
و أنا و الصديق الصدوق جالسين مستمتعين في الأكل و نستمع خخخخخ و نضحك شوي و الجسيم
منقرف من الموضوع بعدها وصلنا الحدود السعودية دفعنا العشرين و كملنا و نصف سرى مع الجماعة ننتظر
دورنا يجي إلا و اسمع ليكم صوت مادري من وين جاي أول شي فكرته من بره ههههههه إلا هو صوت
الجسيم يقول (وااااااااال....واااااااال.....وااااااال...بااااااال) انا افكر يقصد في زحمة أو شي
إلا الرجال ناسي جوازه و بطاقته هههههههههه...سلامااااااااااااات يا بو الشباب Shocked
المهم صفتنا السيارة على جنب و ينزل الجسيم يطلع في ساعته الجديدة Razz و يبدى اتصالات اسعافية
يدور من يجيب له بطاقته و بعد اللتي و اللتيا حصل له أحد يجيبها و نجلس احنا الاربعة ننتظر و الشمس
صايرة حارة كأنها في الصيف هذه و هي مكسوفة بعد كيف لو تعصب زي بعض الناس الا ناسيين بطايقهم خخخخخ
و اثناء الانتظار صرنا مسخرة جانا واحد يقول (تكسي للبحرين؟) هههههههههه الله يهدي داك الرجال إلا نسى
و بعد انتظار دام أكثر من ساعة وصلت سيارة الاسعاف و جت البطاقة يااااووووالللله و طلقي على البحرين
و تصيدنا شوية زحمة مادري السستم متعطل أو شي المهم بعد وقوف طويل في الطابور خلصنا و قبل لا ندخل البحرين
سألنا الجسيم كم الساعة ههههههه (بحكم انها ساعة جديدة يعني) كانت الساعة 12 و نص و شوي تقريبا
و أنا أقول شكلنا ما بنتغدى إلا الساعة وحدة و نص و ينط ابو ساعة جديدة و يقول لااااااا خلاص خلصنا ما باقي شي
و آخر شي ما نوصل الغدا إلا الساعة 2 الظهر و أنا أطلع في ساعته من بعيد ههههههههه طبعا قبل لا نروح الغدا
رحنا السيتي سنتر حجزنا فلم و صلينا و انطلقنا إلى الابراج تغدينا(على حساب الجسيم واعدنا بغدى محترم بس طلع محترم) silent
المهم عاد اخويي مخرف شوي مأثر عليه قلة النوم يشغل السيارة و هي مشغلة و يعشق القير قبل لا يشغل السيارة لا
و يبي يروح فلمين و هو نام في الفلم الأول ههههه سلاماااات
بعد هالتعبة كلها جينا لأحسن وقت للرواق و رحنا قهوة الأمزون طلبنا لينا شيشات و جلسنا نعسل و الجسيم مع لابتوب
السوداني و الساعة و القهوة التركية خخخخخ كل شغلة جنسية..المهم روقنا آخر رواق و جلست أنا و الصديق الصدوق
نسخر على وحدة في القهوة كأنها تنينة (مؤنث تنين) ههههههه ما نجوز من العباطة ابد...انتهى المقطع الأول من الجزء الثاني
بس في تكملة لا تخافوا خخخخخ الحين نجي لبعد القهوة
انطلقنا الساعة خمس من القهوة بس داك الرجال الصدوق اخرنا عشان خمسة ريال ينتظر الا تشتغل هناك ترجعها خخخخخ
أنا اقول له امشي اعتبرها بقشيش و هو يقول ليش ما تعطي صدّيق الا في قهوة العوامية بقشيش بعد (صدّيق هذا الهندي إلا يشتغل في قهوة العوامية) خخخخخ المهم و ننطلق للمجمع ناخد طلة على التلفزيونات الال سي دي و في رجال فضحنا بتلفزيونه الجديد
مع ساعته خخخخخ بعدها رحنا صلينا و انطلقنا إلى الفلم
اول ما دخلنا إلى أخويي جلس له في مكان غلط على حساب مكاننا يعني خخخخخ مضيع الولد متكي و مخلص و ثقة بعد ههههههه
و ينادي عليه الجسيم و نجلس جنب بعض الصديق الصدوق على يميني و الجسيم على شمالي و أثناء عروض ما قبل الفلم جلسنا نستهبل
شوي و أثناء الفلم بعد جلسنا نستهبل شوي و بعد الفلم جلسنا نستهبل شوي و في طريق العودة نستهبل شوي و نسأل الجسيم
كم الساعة ههههههه طبعا خلاص وصلنا و ضفيرة الكهرباء تبعنا داقة و فيوز محترق و اسلاك مجروحة و يعني من هالكلام خخخخ
المهم ركبت سيارتي و وديت ثيابي المغسلة يكووهم حق اليوم العمل و جلست على المنتدى شوي البارحة يعني و على الاخبار شوي
و طيران على السرير الساعة 1 الليل (المفروض ما أذكر اني نمت الساعة 1 ل، هذا يوم جديد يعتبر) Razz
و يالله مع السلامة و نشوفكم في الحلقة القادمة

خاص للجسيم>>>جسيم تكفى شوف ليي كم الساعة الحين و اتصل عليي خبرني What a Face
الرجوع الى أعلى الصفحة اذهب الى الأسفل
عصفورو
ملك ونعم الملوك
ملك ونعم الملوك
avatar

عدد المساهمات : 3517
نقاط : 18224
تاريخ التسجيل : 14/01/2010
العمر : 34
الموقع : ملوك المنتدى

مُساهمةموضوع: رد: يــــــوم في حياة عضو   السبت يناير 16, 2010 7:06 pm

أو نسيت ما قلت من الا بعدي خخخخخ
بما إن وينك يا غلاي تنتظر فالدور عليها
بس مادري تنتظر غلاها لو دورها geek
الرجوع الى أعلى الصفحة اذهب الى الأسفل
وينكـ ياغلآي؟
ملك ونعم الملوك
ملك ونعم الملوك
avatar

عدد المساهمات : 3439
نقاط : 17092
تاريخ التسجيل : 14/01/2010
العمر : 30

مُساهمةموضوع: رد: يــــــوم في حياة عضو   السبت يناير 16, 2010 7:48 pm


والله احنا قلنا ننتظر اليوم مو ننتظر الدور>> والله ورطه ياليتني مارديت Very Happy
بس بالاول عجبني يومك وكان مره حلو..
والحين نبتدي بيومنا
والله جلست على الساعه6 وطبعا كنت دايخه ونفسي بالنوم لاني مانمت الا نص ساعه بس
المهم قعدت ليي ربع ساعه وبعدين قمت وطبعا غسلت وبدلت وسويت لي كاس الكافي
عشان اروق عليه كالعاده وعلى الساعه 7:5 تقريبا رحت على الدوام
وكملنا الترويقه مع الاطفال اللي عندي وكان يومي وياهم ممزوج بين العب والضحك
والتسليه لحــــــــد ماخلص الدوام على الساعه11:45 وصل السواق وابتدى
جولته كالمعتاد في توصيل الطلاب وطبعا اني دايما اخر الناس يوصلني ووصلت البيت
على الساعه12:45 وجيت وغسلت وصليت وعلى طوووووووووووول على الابتوب وافتح المنتدى
واتفرج على جديدكم وبعد الرد على الاخ عصفورو وانتظار الجزء الثاني من يومه
والا ويجي ويقول ((أو نسيت ما قلت من الا بعدي خخخخخ
بما إن وينك يا غلاي تنتظر فالدور عليها
بس مادري تنتظر غلاها لو دورها))وانصدم بعدها مليوووووون Shocked
والحين اني فيني النوم وشويات وطالعه..~

المهم المهم لا ننسى ايه ايه اللي بعدي ال bmw
يالله الدور عليك ولو ان المفروض يختاروك مو يختارونا tongue
الرجوع الى أعلى الصفحة اذهب الى الأسفل
حلم السنين
ملك ونعم الملوك
ملك ونعم الملوك
avatar

عدد المساهمات : 2968
نقاط : 17489
تاريخ التسجيل : 14/01/2010
العمر : 31

مُساهمةموضوع: رد: يــــــوم في حياة عضو   السبت يناير 16, 2010 8:13 pm

يومك عصفور

مايسوى على الجسيم هالساعة

ويومج حلوو بعد وينك ياغلاتي اذا هذا اسمج

وننطر العضو الثاني
الرجوع الى أعلى الصفحة اذهب الى الأسفل
عصفورو
ملك ونعم الملوك
ملك ونعم الملوك
avatar

عدد المساهمات : 3517
نقاط : 18224
تاريخ التسجيل : 14/01/2010
العمر : 34
الموقع : ملوك المنتدى

مُساهمةموضوع: رد: يــــــوم في حياة عضو   السبت يناير 16, 2010 9:14 pm

انشاء الله السنة القادمة أو عام 2012 قبل نهاية العالم يأتيكم بي ام حسين
في نفس هذا الوقت في الساعة..(لا بس ما يجوز خلاص خخخخخ) الله يستر ما يعصب علينا المدير
المهم حرك دمك يا بي ام هو كل يومك بسطرين مع التفاصيل بس انت ار بي جي فبياخد وياك
13 جزء Shocked
الرجوع الى أعلى الصفحة اذهب الى الأسفل
غافله MạйeĢeя
ملك ونعم الملوك
ملك ونعم الملوك
avatar

عدد المساهمات : 2051
نقاط : 16963
تاريخ التسجيل : 14/01/2010
العمر : 30
الموقع : على جنب

مُساهمةموضوع: رد: يــــــوم في حياة عضو   السبت يناير 16, 2010 10:52 pm

Shocked واااااااااااااااااااااااااااااااااااااااال كل هالايام مرت واني نايمه Shocked

خخخخخخخ خوش يوم عصفورو جان اخذتني وياك له متىىىىىى

وين BMW كنه صرنا في 2012
الرجوع الى أعلى الصفحة اذهب الى الأسفل
*bmw*hussain*
ملك الله لا يحرمنا منه
ملك الله لا يحرمنا منه
avatar

عدد المساهمات : 1493
نقاط : 16344
تاريخ التسجيل : 16/01/2010
العمر : 36
الموقع : القطيف / الدخل المحدود

مُساهمةموضوع: والله بلشه ويش جاب الدور عندي   الأحد يناير 17, 2010 9:09 am

السلام عليكم

اخباركم ياحلوين المهم انا صحيت على الساعه 9.30 الصباح وكان يوم جمعه ومالي خلق اقوم قلت برجع انام بس تذكرت اني متعشي بدري ومع داك الرجال الي ساعته جديده وعصفورو والصديق الصدوق ونايم على الساعه 3.30 الفجر قلت خلني اقوم اغسل واصلي واشتري لي فطرو قبل لايسكرو الى الاذان الاولي ونتظرهم ساعتين ونص المهم تذكرت انه باقي ساعه واتصل على المنقذ ولد اخوي واقول له اشتري لي فطور المهم خلصت وروح عند بيت اخوي واخذ فطوري واتكي معاهم ويجين اتصال من الصديق الصدوق يستهبل الاخ مثل عادته المهم ومع السوالف يتصل فيني اخوي مهدي ويقول لي انا في البيت تعال ابيك ومن الملل قلت ارجع واكمل في البيت جلسه وبعد ما جلست معاه اذن الظهر وقمت صليت وجلست على النت ساعه الف بدون هدف وتذكرت اني لازم اروح الى اخوي عشان جهازه يبي له فرمته وطول وقتي جالس على داك الجهاز انقل الملفات وفرمت ورجع ملفاته ودوخه مع البرامج مع اني عندي كم برنامج يغنوه عن الي عنده بس هو محكم رايه على الي عنده مدري ويش السر فيهم المهم خلصت وقمت صليت المغرب قلت اطلع اجلس مع الشباب الا اخوي يقولي وين رايح قلت رايح البيت قالي تعال ابيك في كم شغله مو عارفنه وضليت اعلمه وشوي يقول لي بدخل على حسابي وشوي والا انا نايم شافني تعبان ونايم قالي خلاص روح البيت ونام ورحت البيت وقلت خلني اسجل في المنتدى وجلس الى يوم ثاني الى الصباح على المنتدى وبعدها صليت الصبح ونمت على الساعه 6.00 خخخخخخخخخ ولا حد يختارني مره ثانيه مكسل وملان ولا راح اهريكم كتابه وخليها قصت حياتي مو يوم وعلى فكر الي بعدي غافله نتظر يومك
الرجوع الى أعلى الصفحة اذهب الى الأسفل
غافله MạйeĢeя
ملك ونعم الملوك
ملك ونعم الملوك
avatar

عدد المساهمات : 2051
نقاط : 16963
تاريخ التسجيل : 14/01/2010
العمر : 30
الموقع : على جنب

مُساهمةموضوع: رد: يــــــوم في حياة عضو   الأحد يناير 17, 2010 9:14 am

الحين يومي توه بادي بحكم انه الفجر شاهدت برنامج في ابو ظبي عن ايران وقبل شوي شربت سنكولا
والحين باصلي وبانام و خلاص مابقعد الا بكره خخخخخخخخخخخخخخخ
ما اقصر يومي هههههههههههههه
يالله شختك بختك دووووووووركـ
الرجوع الى أعلى الصفحة اذهب الى الأسفل
حلم السنين
ملك ونعم الملوك
ملك ونعم الملوك
avatar

عدد المساهمات : 2968
نقاط : 17489
تاريخ التسجيل : 14/01/2010
العمر : 31

مُساهمةموضوع: رد: يــــــوم في حياة عضو   الإثنين يناير 18, 2010 6:44 am

ننطر شختك بختك
الرجوع الى أعلى الصفحة اذهب الى الأسفل
Mo0ody
ملك الله لا يحرمنا منه
ملك الله لا يحرمنا منه
avatar

عدد المساهمات : 1587
نقاط : 16289
تاريخ التسجيل : 18/01/2010
العمر : 30
الموقع : هني قريب

مُساهمةموضوع: رد: يــــــوم في حياة عضو   الثلاثاء يناير 19, 2010 1:25 am

آيــــــــــآم حلوه والله ايامكم

(ساعه الجسيم)
انا لفتت انتباهي من يوم تطيح القزازه اقول فيك شي جديد
اول شي قلت يمكن حالق بس قلت لا لا في شي ادهى من ذلك
وطلعت الساعه ,,,,

وجدول البحرين عجبني
وآآآه ع شيشه الامزون يا عصفورو
الطلعه القادمه بكون ويذ يو ان شاء الله

....

شختك بختك
آآه يا شختك بختك
وآآه عليكم يالاعضاء
والله لو تشوفوه ما تسألوه عن يومه
ولا تسألوني عن السبب خخخخخخـ

وان شاء الله بعد المونديال بيكون هنا


دمتم بود
الرجوع الى أعلى الصفحة اذهب الى الأسفل
غافله MạйeĢeя
ملك ونعم الملوك
ملك ونعم الملوك
avatar

عدد المساهمات : 2051
نقاط : 16963
تاريخ التسجيل : 14/01/2010
العمر : 30
الموقع : على جنب

مُساهمةموضوع: رد: يــــــوم في حياة عضو   الثلاثاء يناير 19, 2010 5:18 am

بما ان شختك بختك مشغول بالمونديال فأي واحد يخش الحين يحط يومه وشختك بختك لاحقين عليه خخخخخخخخخخخخخخ geek
الرجوع الى أعلى الصفحة اذهب الى الأسفل
عصفورو
ملك ونعم الملوك
ملك ونعم الملوك
avatar

عدد المساهمات : 3517
نقاط : 18224
تاريخ التسجيل : 14/01/2010
العمر : 34
الموقع : ملوك المنتدى

مُساهمةموضوع: رد: يــــــوم في حياة عضو   الثلاثاء يناير 19, 2010 4:15 pm

ياللي بعدو
الرجوع الى أعلى الصفحة اذهب الى الأسفل
Mo0ody
ملك الله لا يحرمنا منه
ملك الله لا يحرمنا منه
avatar

عدد المساهمات : 1587
نقاط : 16289
تاريخ التسجيل : 18/01/2010
العمر : 30
الموقع : هني قريب

مُساهمةموضوع: رد: يــــــوم في حياة عضو   الثلاثاء يناير 19, 2010 7:56 pm

يؤ يؤ يؤ
يومي ههههههـ
والله انكم بتضحكوا وبتصيحوا على يومي
مسكين انا tongue
~..~
يمكن اكتب وااايد بس نصيحتي اقروا للآخر
في احداث حلوه >>>شنو انميشن هوو cat

بسم الله الرحمن الرحيم
سيداتي انساتي سادتي
يسعدني ويثلج صدري >>>>والله شي هذه يثلج صدري 🐷
ايه ويثلج صدري ان ابوح لكم بيومي هذا
ووخير ما نبدا به اذاعتنا لهذا اليوم ...اوه اوه اخذني الحماس خخخخخ

يومي يوم مواطن سعودي طموح مليء>>مليء >>ربع ساعه احاول اكتبها
مليء بالعنفوان والنشاط Smile

اصحى من النوم على صوت اول منبه الساعه 5:20
اهااا قلتوا ليش اصحى هالوقت
انا اصحى هالوقت عشان اطفي المنبه وارجع انام >>>تفكيره سليم هههه
وارجع انام الى حوالي 5:45
اصحى من النوم اتقلب على السرير الى الساعه 6
بعدها احاول اتذكر الحلم بس ما يجي اتذكر المقطع الاول وانسى الباقي ((مثل عصفورو ))

اقوم اخذ فرشتي ومعجوني ومنشفتي الزرقا وانطلق الى دوره المياه
اغسل فيسي الجميل >>امحق فيس
و افرش اسناني
وارجع الغرفه اصليي على محمد وآله
ابدل والبس ثوبي وشماغي واحرص على رزه عقالي
انزل تحت اروح الكراج اشغل السياره واحط كتبي في السياره وادخل افتح الثلاجه ادور لي عصير
مثلا اليوم (عصير توت مشكل الربيع)
الساعه 6:35 اركب السياره وانطلق لأقرب بقاله لان حتى لو شربت عصير لااااااااازم اشرب سن كولا قبل الدوام
🐷
ادور لي سيدي حلو اشغله يعني حاجه تفتح لنفس من صباحه ربنا
عااد وانا رايح الدوام انواااع الزحمه
سيارات عربيات باصات واوتوبيسات وتريلات وسياكل ودبابات >>مو دوام بير نفط cheers
من اوصل عند المارينا مول احسن ان الشارع فيه 28379875 مسار بدل المسارين والقهر فيه حفريات بعد
بعدها اوصل الى اشاره الشيريتون وما اطول فيها بس 17 دقيقه لان مو زحمه ابدن
وعند الشيريتون اغير السيدي لان بيكون اخذ لفه من الزحمه

بعدا اوصل الى المواقف وادخل على الساعه 7:15 تقريبا
اوقف السيره بكل روقان واحط المظله وتدخييييين الين يجي كلاس ميتي السيهاتي

الساعه 7:45 تبدا اول محاضره
عاد اليوم شنو اول محاضره
اهاا سالتوني وش اول محاضره
اليوم اول محاضره كانت قرامر وآآآآه على مدرس القرامر
انا بقول لكم اسمه بس تخيلوا استاذ قرامر اردني واسمه سليمان ابو الفول
وش اترجى منه اي تعليم بالله ..؟!

انتهت المحاضره واذا بالبريك ما احلاه سن كولا واحلى زقاره بعد الكلاس

انتهى البريك >>>بسرعه موو 🐷

رجعت الكلاس كان عندنا السنغالي (النقر) hadje ndawe
طبعا ممن صوته قبل قبل لا ندخل الكلاس ندري انه موجود
فجأه وبدون سابق انذار
جا مدير اللغه الانجليزيه كلاسنا واعطا الاستاذ اوراق
الحين نتسائل وش هالاوراق
واذا بها جدول جديد
وآآآآآآآآآآه على الجدول
لما شفته ضاقت علي الوسيعه
السبت والاحد صار الدوام من 8 الى 6 المغرب affraid
حاولنا ننقاشي شوي يمين وشوي يسار وفوق وتحت وعل جنب بس ماكو فايده الجدول انطبع وتم اعتماده من قبل الجهات المعنيه
ومن القهر سحبنا على آخر محاضرتين هههههههه

وكل 10 دقايق اطالع في الجدول وانا مو مستوعب كيف يعني بجلس 10 ساعات في الدوام !!
رحت للسياره وانا ادخن حزييين على حال الجدول
اللي بيعتمدوه من بكره والله يستر منه بس
ورجعت البيت وانا مشغل صديقي (قصي) واتنقز في السياره يمكن انسى الجدول cheers
والحين هذا انا تو تغذيت وجيتكم ع النت
وقلت لكم قصتي الحزينه مع جدولي الجديد
~~.~~.~~
ادري يومي طويل بس خوش يوم
حتى لو كان فه بعض الاشياء اللي تعكره بس بيظل يومي ومكتوب علي كل اللي فيه ولازم ارضى باللي يصير فيه >>>>غصب مو طيب

طبعا جدول اليل بايخ بس في الديوانيه بلوت وكوره وحش
وسلامتكم



احلى تحيه
الرجوع الى أعلى الصفحة اذهب الى الأسفل
الجسيم
Admin
Admin
avatar

عدد المساهمات : 653
نقاط : 15803
تاريخ التسجيل : 14/01/2010
العمر : 34

مُساهمةموضوع: رد: يــــــوم في حياة عضو   الثلاثاء يناير 19, 2010 9:40 pm

ايام جميلة نعيشها معاكم

الدور على نونو .. وينك يا نونو
الرجوع الى أعلى الصفحة اذهب الى الأسفل
 
يــــــوم في حياة عضو
الرجوع الى أعلى الصفحة 
صفحة 1 من اصل 6انتقل الى الصفحة : 1, 2, 3, 4, 5, 6  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
ملوك المنتدى :: المنتدى الترفيهي :: ديوانية المنتدى-
انتقل الى: